ඕස්ට්‍රේලියාව සමග මෙල්බර්න් හිදී පැවති 4 වන ටෙස්ට් තරගයෙන් ඉනිමක හා ලකුණු 157 ක පහසු හා විශිෂ්ට ජයක් වාර්තා කිරීමට එන්ගලන්තය අද සමත් විය. ඒ අනුව ඉදිරි වසර 2 සදහාද අළු බදුනේ අයිතිය එන්ගලන්තයට හිමිවිය. එසේ වන්නේ මීලගට සිඩ්නි හිදී පැවැත්වෙන තරගය ඕස්ට්‍රේලියානු කණ්ඩායම ජය ගත්තත් තරගාවලිය ජය පරාජයෙන් තොරව අවසන් වන නිසාය. එවැනි අවස්ථාවක (තරගාවලිය සම වීමකදි )ශුරතාව හිමි වන්නේ ඒ මේ තරගාවලියට පෙර අළු බදුන අයත්ව තිබූ කණ්ඩායමටය.
මෙම තරගයේ මුලින්ම පන්දුවට පහර දුන් ඕස්ට්‍රේලියාව සිය ප්‍රථම ඉනිමේදී සියල්ලන් ලකුණු 98 කට දැවී ගිය අතර ඊට පිලිතුරු වශයෙන් එoගලන්තය සිය ප්‍රථම ඉනිමට සියල්ලන් දැවී ලකුණු 513ක් රැස් කරන ලදි. ඒ අනුව එoගලන්තයට වඩා ලකුණු 415 ක් පිටුපසින් සිටිමින් සිය 2 වන ඉනිම ඇරඹු ඕස්ට්‍රේලියානුවන්ගේ 2 වන ඉනිමද ලකුණු 258 කට සීමා විය.
තරගයේ වීරයා වශයෙන් ප්‍රථම ඉනිමේදී නොදැවී ලකුණු 168 ක් රැස් කල ජොනතන් ට්‍රොට් හට හිමි විය. තරගාවලියේ 5 වන හා අවසන් තරගය ජනවාරි මස 3 වනදා සිඩ්නි හිදී ඇරඹේ.
No comments:
Post a Comment